Македонскиот репрезентативен голман Дејан Илиев ќе продолжи да ја брани мрежата на романскиот прволигаш УТА Арад, откако клубот денеска официјално соопшти дека договорот со Илиев е продолжен до 2027 година.

Илиев пристигна во Арад минатата година по ангажманот во ФК Сараево, а за кратко време успеа да се наметне како прв избор меѓу стативите. Зад себе има 20 настапи во романскиот шампионат, при што остави одличен впечаток и стекна доверба кај стручниот штаб и управата на клубот.

Поранешниот голман на младинските категории на Арсенал помина цела деценија во редовите на лондонскиот гигант, а кариерата потоа ја продолжи низ неколку европски клубови, словачките Серед и Тренчин, полската Јагјелонија, англискиот Шрузбери и Сараево од БиХ.

Со новиот договор, Илиев добива стабилност и сигурност во кариерата, а УТА Арад се обезбеди со искусен и сигурен чувар на мрежата за наредните