Дејан Георгиевски освои сребро на силниот меѓународен таеквондо турнир во Турција
Македонскиот најдобар спортист Дејан Георгиевски брилијантно ја започна новата сезона со освојување на сребрен медал на еден од најсилните турнири во светот, Турција Опен Г2.
Препорачано
Нашиот таеквондист обезбеди значителни поени за олимписка норма со три фуриозни победи над ререзентативци на Турција, Узбекистан и полуфинале против еден од најдобрите таеквондости во светот Хамидреза Бадријалијабади репрезентативец на Азербејџан.
Во финалето Георгиевски претрпе тесен пораз од репрезентативецот на Узбекистан Мавловов Марат со 2:1.
Турција ОПЕН Г2 годинава се одржува во Анталија, присутна е цела олимписка таеквондо елита. Традиционално овој турнир значи за еден од најсилните во светот.
Свој настап кај сениорите имаше и Филип Блажевски од ТКД Бутел, кој започна со победа над домаќин од Турција, но загуби во второто коло.
За жал, како што информираат од Македонската Таеквондо Федерација, Милијана Релиќ не успееа да ја помине вагата, па и посакуваат успех понатака.
Нашите репрезентативци на Турција Опен беа предводени од помошник селекторот Стефан Костовски.
