Летово Матајс де Лихт го замени дресот на Јувентус за тој на Баерн Минхен во трансфер вреден 67 милиони евра.

Холанѓанецот вели дека овој трансфер за него е чекор напред во кариерата, а наведе дека Баварците за разлика од „Старата дама“ имаат амбиција да ја освојат титулата во Лигата на шампионите.

– Уживав во Јувентус, но почувствував дека е време за нов предизвик. Јувентус е одличен тим, но ова е чекор напред, бидејќи Баерн има амбиција да ја освои Лигата на шампионите. Не го имав тоа чувство во Јувентус – рече де Лихт.

Искусниот дефанзивец оваа сезона одигра до сега девет натпревари за германскиот првак и постигна еден гол.

По првите две кола во групната фаза на ЛШ, во групата „Ц“ Баерн води со шест бодови, пред Барселона и Интер кои имаат по три, а ниту еден Викторија Плзен.

А во последната група „Х“ по шест бодови запишаа ПСЖ и Бенфика, а без бодови се Јувентус и Макаби Хаифа.