Белгискиот фудбалер, Кевин Де Брујн по десет години заминува од Манчестер сити, потврди денеска преку социјалните мрежи.

Фудбалерот од средината на теренот објави емотивна порака на социјалните мрежи и потврди дека нема да го продолжи договорот кој му истекува на крајот на сезоната.

„На секоја приказна и доаѓа крајот, ова дефинитивно беше моето најдобро поглавје во кариерата“, стои меѓу другото во пораката од фудбалерот на „граѓаните“.

Де Брујн во Манчестер сити пристигна летото 2015 година од Волсбург за 76 милиони евра и ќе остане запаметен како еден од најдобрите трансфери во клубот.

Со Манчестер сити за десет години успеа да освои 16 титули. Кариерата Де Брујн ја започна во Генк од каде што се пресели во Челси, а потоа настапуваше уште и за Вердер од каде што Волфсбург доведе во 2014 година.

Dear Manchester. 💙 pic.twitter.com/2EdhVYOLti

— Kevin De Bruyne (@KevinDeBruyne) April 4, 2025