Фудбалскиот клуб Работнички го доведе второто засилување за новата сезона и настапот во квалификациите за Конференциската лига.

Тоа е Дашмир Елези (20), своевремено еден од најталентираните напаѓачи во македонскиот фудбал.

Во Работнички доаѓа како слободен агент откако се раздели со косовскиот тим Приштина.

Своите почетоци ги имаше во младинската школа на Шкендија, три сезони играше во првиот тим на актуелниот шампион, а потоа замина во Хрватска, носејќи го дресот на Локомотива Загреб.

Следуваше предизвикот со Приштина, а сега се враќа во македонскиот фудбал, потпишувајќи тригодишен договор со Работнички.