Екипата на Зрињски, каде неодамна се приклучи македонскиот репрезентативец Дарко Велковски, денеска официјално го потврди ангажманот на нов тренер и тоа е хрватската фудбалска легенда Игор Штимац.

Штимац ќе ја води екипата на актуелниот шампион на Босна и Херцеговина во новата сезона, а главна цел ќе биде задржување на шампионската титула.

„Зрињски со големо задоволство може да потврди дека Игор Штимац од денес е нов тренер на првиот тим. Му посакуваме срдечно добредојде во Мостар и многу успех на клупата“, соопшти Зрињски.

Штимац доаѓа на местото на Марио Иванковиќ, кој спогодбено ја прекина соработката со раководството на клубот.