Како што известуваат босанските медиуми, македонскиот фудбалер Дарко Велковски би можел да ја продолжи кариерата во ФК Железничар.

Според информациите, детали го делат 30-годишниот централен бек од потпис со тимот од Грбавица.

Велковски минатата сезона играше за Њиреѓхаза од Унгарија, клубот на кој му се приклучи во јануари, а тамошното раководство не го продолжи договорот со Македонецот.

Претходно играше за романскиот Динамо Букурешт, од каде што замина во јули 2024 година. Во текот на кариерата, тој беше дел и од Ал-Етифак од Саудиска Арабија, хрватската Риека, како и од македонските екипи на Вардар и Работнички.

Тој има 56 настапи за А репрезентацијата на Македонија и постигнато три голови од своето деби во 2014 година.