Македонскиот дефанзивец, Дарко Велковски повеќе не е член на Динамо Букурешт.

Романскиот клуб преку социјалните мрежи објави дека Велковски заминува по полусезоната која ја помина во овој клуб.

Во овој момент не е познато каде ќе ја продолжи кариерата, но се наведува дека има неколку опции.

Претходно во кариерата Велковски во македонското првенство беше дел од Македонија Ѓорче Петров, Работнички и Вардар, додека од интернационалната кариера настапуваше за Ал-Етифак во Саудиска Арабија и Ријека во Хрватска.