Данскиот музички состав „Ефтеркланг“ е бенд составен од три пријатели од детството, Мадс Браусер, Каспер Клаусен и Расмус Столберг. На 27 септември 2024 година го објавија нивниот седми студиски албум насловен „Things We Have In Common“, со што ја започнаа својата светска турнеја.

Документарниот филм „Ефтеркланг: Македониум бенд“ во режија на Андреас Јонсен, во кој свое продуцентско учество зазема и јавната културна установа МКЦ, беше премиерно прикажан во рамки на фестивалот „CPH:DOX“ во Копенгахен, додека домашната премиера се реализираше во рамките на минатогодишниот филмски фестивал „Синедејс“.

„Ефтеркланг“ ќе одржи концерт на отворено во културниот центар „Паблик рум“ во Скопје на 1 мај. Настанот е замислен како „пикник – концерт“ и ќе започне во 14 часот.