Холандија и Данска се подготвени да ѝ достават на Украина 14 модифицирани тенкови Леопард 2, соопшти денеска холандското Министерство за одбрана.

Во април минатата година овие земји најавија дека ќе купат тенкови од трета страна и ќе ги подготват за битката во Украина. Тенковите се целосно модифицирани од германскиот производител на оружје „Рајнметал“, а по неколкумесечно тестирање се подготвени за испорака до крајот на летото, соопшти холандското Министерство.

Во соопштението на Министерството не е наведен датумот на испорака, пренесува Ројтерс.

„Тенковите Леопард 2А4 можат да ѝ помогнат на Украина да добие предност на бојното поле. Имаат голема огнена моќ, нудат добра заштита и се брзи“, се додава во соопштението.