Постои категорија на луѓе кои не се формално вработени, но живеат од приходи, честопати значителни, и не плаќаат даноци. Професорот на Финансискиот универзитет, Александар Сафонов, предложи воведување на фиксен данок на доход за физички лица, поточно за богати, невработени граѓани, пренесува „Спутник“.

Како што објави РБЦ, тој ги нарече таквите луѓе „професионални безделници“, мислејќи на домаќинките, оние со големи количини недвижен имот и децата на богати родители кои не работат и користат социјални бенефиции без да придонесуваат ништо во буџетот. Предлогот на Сафонов има за цел да ја намали социјалната неправда, со оглед на тоа што постои категорија луѓе кои не се формално вработени, но живеат од приходи, честопати значителни, и не плаќаат даноци.

Паралелно, претходно беше објавено дека работодавците во Русија кои им помагаат на работниците да заштедат за пензионирање ќе добијат даночни олеснувања. Од 2026 година, компаниите ќе можат да ги одбиваат овие придонеси како трошок, што ќе ја намали нивната даночна основа за доход.