Минатата година српскиот водител Огњен Амиџиќ и поранешната манекенка Даниела Димитровска се разведоа по десет години брак. Очигледно и на двајцата им требаше време да ја пребродат разделбата, за да најдат нова љубов, пишува „Курир“.

Пред извесно време Огњен среќата ја најде покрај колешката Мина Наумовиќ од која е речиси неразделен, а од неодамна се прошири веста дека и манекенката ја пронашла својата сродна душа. Таа наводно е веќе шест месеци во врска со поранешниот фудбалер Јеврем Косниќ. Но, за првпат дури сега прозборе за новата љубов.

Имено, Даниела синоќа прошета на црвениот тепих на роденденската забава на магазинот „Стори“, облечена во елегантен, црн фустан. Пa, во тој момент, таа накратко проговори за својата нова љубов.

„Можам само да кажам дека сум среќна, само тоа ќе коментирам за мојот приватен живот вечерва“, изјави Даниела за Курир.

Кога дополнително ја прашале дали со овој коментар ја потврдува емотивната поврзаност со фудбалерот Косниќ, манекенката само се насмевнала и намигнала со очите.

Инаку, поранешниот фудбалер Јеврем Косниќ, е шест години помлад од Даниела. Својата кариера ја започнал во Црвена Звезда, потоа играл за неколку српски фудбалски клубови, а својата кариера ја завршил во Италија во 2020 година. Сега се занимава со приватен бизнис.

ФОТО | Огњен Амиџиќ има нова љубов: Вака изгледа новата партнерка на популарниот водител