Селекторот на Хрватска, Златко Далиќ зборуваше пред новинарите по трагичното реми со Италија на Европското првенство.

Хрватите вчера со примен гол во 98. минута останаа веројатно без пласман во осминафиналето на Европското првенство. Теоретски шанси имаат се уште, но потребно е да се поклопат дури четири резултати.

На прес-конференција по натпреарот Далиќ зборуваше и за „теорија на завера“

„Зборувам за тоа како се однесува ФИФА и УЕФА веќе пет години и никој не ме слуша, испаѓам смешен. Ние сите за нив сме мали, се што зборувам, зборувам во ветер“, гласеше вчерашната изјава на хрватскиот селектор.

Не застана хрватскиот селектор со критиките и во денешниот настап пред новинарите, па истакна дека според него судијата Дани Мекели не е „случајно“ испратен на натпреварот.

„Тој ен е случај испратен на натпреварот. Цел натпревар имаше сомнителни одлуки, а кулминација беа тие осум минути. Зборував веќе за ФИФА и УЕФА, но колку и да ми замеруваат тоа е факт. Имаше шест замени, значи три минути максимално. Тука е и ВАР една минута, тој надополни осум?! Но, имавме и шанси се да решиме и не ги искористивме, за жал многу работи се поклопија против нас“, изјави Далиќ.

За Хрватска да се пласира во осминафиналето треба да се исполнат четири услови