Дали една топка сладолед од пет евра ќе го одвлече вниманието на гостите од Хрватска? Одговорот на тоа прашање на Деновите на хрватскиот туризам го понуди Хрватскиот туристички одбор заедно со специјалните гости од Tрип адвајзор, Лена Арбери и Антони Пауел, кои открија дали Хрватска навистина станала поскапа од нејзините конкуренти, како што се Грција, Италија и Шпанија, објави Пословни дневник. Со помош на податоците од Tрип адвајзор, глобална платформа со повеќе од 463 милиони месечни корисници, заклучено е дека Хрватска не заостанува по цена и квалитет.

Иако често се шпекулира дека Хрватска е поскапа од нејзините конкуренти, статистиката покажува поинаку. За гостите, клучот за успехот е позитивното искуство и разновидноста на понудите. Хрватска не е поскапа од нејзините конкуренти на Медитеранот, но, како што вели ХТЗ, држи чекор во однос на соодносот цена-квалитет. Туристите ја доживуваат Хрватска како дестинација со разновидна содржина која со задоволство ја препорачуваат понатаму, а токму ова уникатно искуство што го нуди ќе ја одбележи претстојната туристичка 2025 година, веруваат во ХТЗ.