Контролен натпревар играа екипите на Одеса и Тернопол, но истиот не го доживеа крајот поради серијата тепачки на паркетот.

А ништо такво не се најавуваше сè до една блокада, по што започна големиот инцидент во кој учествуваа голем дел од играчите од двата тима.

Еден од кошаркарите на Одеса доби удар во главата во текот на обидот за блокада, а потоа се вмеша еден од американските интернационалеци и го оттурна центарот.

Тој му возврати со удар, беше забележена тука и некаква боксерска техника, а многу брзо започна и општа тепачка на сите страни од теренот.

Кога се чинеше дека ситуацијата се смирува, Американецот повторно му се прикраде на ривалот и го удри од зад грб во главата. Тоа беше сигнал да реагира целиот тим на Термопил кој тргна физички да се пресмета со кошаркарот кој бегаше низ целиот терен и на крајот се скри зад своите соиграчи по што се смири и целата ситуација.