Популарниот македонски актер и музичар Драган Спасов Дац е задоволен што бугарскиот премиер Бојко Борисов одговори многу позитивно на неговата порака, испратена преку Фејсбук заедно со поздрав песната од дуото со Александар Митевски „Целувката на Ана“, нивна преработка на култниот бугарски шлагер.

„Сите тие се прекрасни песни, испеани со многу љубов, а за песната и љубовта – нема граници, посебно ако не ни треба превод за да ги разбереме зборовите. Нашите два јазика се слични и оттаму вие без проблем ја слушавте нашата преработка „Корона чао“, дури и ја споделивте на вашата ФБ страница. Колку повеќе јазици разбира човекот, дотолку е побогат. Еве, слушнете ја ’Целувката на Ана‘, песната која неодамна ја отпеавме во оригинал на бугарски јазик, како дел од ’Љубовниот пасош‘ и да не дозволиме наместо од првите комшии, да се симнуваме спратови подолу за било каква помош. Затоа што тие, долу или горе, веќе имаат свои први комшии“, напиша бугарскиот премиер Бојко Борисов на својот ФБ профил откако претходно Дац и Александар му се обратија лично:

„Господине Борисов, Ви пишувам на мојот јазик затоа што знам дека добро се разбираме и за нашите два јазика немаме потреба од преведувач. Кај нас првиот комшија е како роднина. Кај него одиш да побараш помош во секое време, а и тој го прави истото кога ќе му затреба нешто. Дали ти требало шеќер, брашно, леб, клешта, помош да се пренесе нешто … тука е првиот комшија. Ако не си во добри односи со првиот комшија, ќе треба за едно штрафче да одиш спрат подолу или погоре, но тој не ти е прв комшија, затоа што веќе си има свој прв комшија“.

Дац вечерва за „Слободен печат“ кратко изјави:

– Многу ми е мило што Борисов ја виде нашата добронамерна порака и што за кратко време одговори со уште подобронамерна порака. Дијалогот продолжува и решение ќе има. Ние сме оптимисти, изјави Драган Спасов Дац за „Слободен печат“.

Останува сите соседи и добронамерници да уживаат во песните на дуото Дац – Александар Митевски кои се дел од нивниот проект „Љубовен пасош“ кој се повеќе ја освојува регионалната публика.

„Со Александар направивме еден проект кој се вика „Љубовен пасош“,  каде пееме љубовни песни од целиот регион. Досега имаме македонска песна, грчка песна, српска, босанска, влашка, руска, турска, бугарска… Мисијата на нашето дуо е да шириме љубов преку музиката. Сите тие се прекрасни песни, испеани со многу љубов, а за песната и љубовта – нема граници, посебно ако не ни треба превод за да ги разбереме зборовите. Нашите два јазика се слични и оттаму вие без проблем ја слушавте нашата преработка „Корона чао“, дури и ја споделивте на вашата ФБ страница. Колку повеќе јазици разбира човекот, дотолку е побогат. Еве, слушнете ја „Целувката на Ана“, песната која неодамна ја отпеавме во оригинал на бугарски јазик, како дел од „Љубовниот пасош“ и да не дозволиме наместо од првите комшии, да се симнуваме спратови подолу за било каква помош.
Затоа што тие, долу или горе, веќе имаат свои први комшии, му го објасни Дац концептот на дуото со Митевски за сплотување на балканските народи преку песна.

ВИДЕО | Дац му пиша на Борисов и му прати песна од дуото: Лесно е да се мрази, тешко е да се сака – љубовта и пријателството бараат разбирачка, а ние мора да се разбереме