Гвардиола кој во тренерската кариера има седено на клупата на само три екипи, Барселона, Баерн Минхен и Манчестер сити, ги има освоено сите домашни трофеи во Ла Лига, Бундеслигата и Премиер лигата, но изостанува успехот во Европа.

Пеп со Барселона два пати ја освои Лигата на шамоионите, но со Баерн и Манчестер сити најголем дострел во елитното европско натпреварување му е пласманот во полуфиналето.

Поранешниот германски тренер, Феликс Магат истакна дека единствена причина зошто Гвардиола триумфира во Лигата на шампионите е Лионел Меси.

– Не ги освои Гвардиола трофеите во ЛШ, туку Меси. Без него, системот на Пеп никогаш не функционирал. Доколку не беше така, одамна ќе триумфираше во ЛШ и со Баерн Минхен и со Манчестер сити – вели Магат.