Судијката и членка на Врховниот суд, Мирјана Лазарова Трајковска вечерва во гостувањето на ТВ21 беше запрашана како изгледа денеска да се биде судија во Македонија,

Според неа, тоа во ова време е една од најтешките професии.

„Претпоставувам дека една од најтешките професии во овој момент е да се биде судија, затоа што со години наназад судството е изложено на силни критики, омаловажувања, обезвреднувања, и притоа нема некаква форма да застане“, вели Лазарова Трајковска.

Таа порача дека еден политичар „не може да излезе и да каже „постигнавме успех во судството, разрешивме 15 судии“.“

„Не може политичар да излезе и да каже „постигнавме успех во правосудството, разрешивме 15 судии“. Тоа не е за фалење, тоа не е добро. Ако од 25 судии на Врховниот суд, петмина се разрешени, дали тоа значи дека 25% од судиите на Врховниот суд биле непрофесионални?“, вели Лазарова Трајковска.