Вчера од ковид-19 имавме 22 починати и дополнително 12 починати од „Мој термин“. Во јавноста се шират различни шпекулации за тоа зошто се водат два регистра на починати. За што станува збор во денешен Утрински брифинг го прашавме д-р Злате Мехмедовиќ, портпарол на Комисијата за заразни болести како советодавно тело на министерот за здравство.

-Се работи за регистер на починати на Министерството за здравство, кој не се води во реално време, туку се води по пријави од матичните лекари. Станува збор за бавна администрација и ништо повеќе од тоа. Сѐ може да се сокрие, но не може да се сокрие кога некој ќе почине, вели д-р Мехмедовиќ.

На прашањето зошто во Македонија има голема смртност од ковид-19 д-р Мехмедовиќ вели дека сериозно ќе се позанимаваат со оваа тема, бидејќи се загрижувачки бројките.

– Има некои статистики кои ги водела претходната Комисија кои сериозно ќе ги разгледаме. Да, имаше манипулација со бројките, факт е дека нашата земја е на шесто или седмо место во светот по број на починати, вели д-р Мехедовиќ.