Д-р Кунгуловски: Вакцинирајте се со првата вакцина што ќе стане достапна
Доктор Горан Кунгуловски на својот Фејсбук профил објави статус во кој одговара на прашањето зошто е добро да се вакцинирате со вакцината на АстраЗенека.
Препорачано
-
1
-
2
-
3
Дали да се вакцинираме со вакцината на Astra Zeneca? ДА. Вакцината на Astra Zeneca е базирана на аденовирусен вектор од шимпанзо којшто го носи генот што кодира за spike протеинот на SARS-CoV-2 и со тоа го намамува имуниот систем да формира одговор. Овој имун одговор понатаму треба да штити од тешки форми на КОВИД-19. Вакцината тоа го прави со ефикасност меѓу 70-80%. Но дали покрај тоа што штити од КОВИД-19 води до њуз појави како зголемен ризик за формирање на тромбови?
Во извештајот на Европската агенција за лекови стои дека од вакцинирани 11 милиони луѓе, 469 имале тромбоемболичен настан. Тоа е стотици пати помалку отколку што се очекува на 11 милиони луѓе во општата популација. Значи застапеноста на тромбоза е помала кај вакцинирани луѓе со вакцината на Astra Zeneca отколку кај невакцинирани. ЗНАЧИ ВАКЦИНАТА НЕ ГО ЗГОЛЕМУВА РИЗИКОТ ЗА ТРОМБОЕМБОЛИЈА. Но од 20 милиони вакцинирани кај 7 имало ретки тромбови на повеќе крвни садови (disseminated intravascular coagulation – DIC) и кај 18 имало ретки тромбови во крвните садови коишто носат крв надвор од мозокот (cerebral venous sinus thrombosis – CVST) и тоа најчесто кај помлади од 55 години и најчесто кај жени. Toa e за неколку пати повеќе отколку што е очекувано во општата популација. Дали појавата на овие ретки тромбови е директно предизвикана од вакцината или поради зголемен скрининг и детекција после вакцинирање останува да се утврди.
Значи во најцрно сценарио ризикот за DIC е 7 во 20 000 000, a ризикот за CVST e 18 oд 20 000 000. Ризикот за смрт од КОВИД е во просек e 100 000-200 000 oд 20 000 000.
Или со бројки веројатноста за смрт од КОВИД при зараза со SARS-CoV-2 е 5000-10000 поголема отколку веројатноста за редок тромб при вакцинирање против КОВИД-19.
ЕФИКАСНОСТА НА ВАКЦИНАТА ВО ПРЕВЕНЦИЈАТА НА ХОСПИТАЛИЗАЦИЈА И СМРТ СИЛНО ГО НАДМИНУВА ЕКСТРЕМНО НИСКИОТ РИЗИК ЗА РАЗВИВАЊЕ НА DIC или CVST.
Вакцинирајте се со првата вакцина што ќе стане достапна, напиша докторот на Фејсбук.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот