Ниту една од девојките што пријавила злоупотреба од групата „Јавна соба“ на социјалната платформа „Телчеграм“, нема позитивно искуство со полицијата, изјави вечерва Ирена Цветковиќ од Коалицијата „Маргини“ за време на гостувањето на „360степени“. А, такви се меѓу 20 и 30, додаде таа.

Притоа сподели и дел од искуствата на девојките што ги имале со МВР при обидот на пријават злоупотреби во групата „Јавна соба“.

– Прво, во еден дел од случаите се кажува дека интернетот не може да се контролира и дека полицијата нема ингеренции врз интернетот. што е неточно. Второ, дека полнолетните не се дел од законската заштита што, исто така, не е точно. Следно, некое заедничко искуство е дека „ако ти била јавна сликата, тогаш не станува збор за кривично дело, што исто така е неточен факт. „Ако не ти барал пари, тогаш нема кривично дел, односно кривично дело би имало само доколу девојките биле парично уценети или барања за други добра и услуги. Понатаму, прашања дали ти целта ти нему да му земеш пари, дали ти е целта да станеш славна или, пак, некој грижлив поглед на почетокот „ах бе девојче што си се сликала. Ниту една од девојките нема позитивен пример или искуство со полицијата“, истакна Цветковиќ.