На територијата на Македонија, до утрово се регистрирани вкупно 29 пожари на отворен простор. Од нив, три се активни, три се под контрола, а 23 се целосно изгаснати.

Според информациите на Центарот за управување со кризи (ЦУК), активни пожари има во: Гевгелија, на планината Кожуф (букова шума), Македонски Брод, над село Бенче на планината Добра Вода (дабова шума и папрат) и во Чучер Сандево, кај село Малино (мешана шума).

Под контрола се ставени пожарите во општините Гази Баба (село Виниче), Студеничани (село Батинци) и Делчево (градска депонија Острец).

Целосно изгаснати се 23 пожари во повеќе региони низ државата, меѓу кои во Прилеп, Ресен, Демир Хисар, Струмица, Валандово, Куманово, Кичево, Штип, Виница, Липково и други општини.