Два големи пожари попладнево беснеат  на територијата на државава. Според ЦУК, пожар попладнево по 13 часот избрил над населбата Отовица во велешко и му се заканува на езеро Младост.

Пожар има и помеѓу скопските села Бучинци, Миладиновци и Грушино.

Центарот за управување со кризи соопшти дека за кратко ќе полета Ер трактор на ДЗС и хеликоптер на МВР и ќе учествува во гаснењето на овие два исклучително сериозни пожари.

Инаку, на 26-ти август 2019 година се случи еколошка катастрофа за велешани кога голем пожар уништи 200 хектари квалитетна борова шума во близина на езерото „Младост“.

Директорот на ЦУК информираше и дека се организира спасувачка мисија на планината Галичица каде холандски параглајдерист паднал и најверојатно има скршен рбет.