На територија на цела држава во текот на вчерашниот ден имало 42 пожари, од кои 17 се сè уште активни, четири се под контрола, а 21 е изгаснат, соопштија од Центарот за управување со кризи (ЦУК).

– Територијата на фронтот на пожарот во Светиниколско е многу широк, но во овој момент населени места не се во опасност. Пожарот над Прилеп е ставен под контрола. Во Свети Николе на терен се пожарникарите, а во приправност има доволен број на припадници на Армијата кои се вклучуваат по барање на локалните командири. Од воздух ќе делува еден армиски хеликоптер Ми 17 и три ер-трактори на Дирекцијата за заштита и спасување – велат од ЦУК.

Пожарот над Прилеп, како што информираат, во голем дел е ставен под контрола, а синоќа бил спасен манастирот.

– Позади сртот на Маркови Кули пожарот е поделен во два крака и во моментов се интервенира да се стават и овие жаришта под контрола и да се изгаснат, има доволен број на луѓе на терен, а воздушна поддршка засега не е потребна – се наведува во соопштението.

(ФОТО + ВИДЕО) Пожарите влегоа во 12 села, горат стари куќи и викендички

Како последица на пожарите, вчера почина повозрасен маж од Кумановско Кокошино. Причината за смртта сè уште не е точно потврдена но најверојатно станува збор за вдишување на чад. Сопругата на починатиот маж е спасена во последен момент.

(ВИДЕО) Пожарите ја земаа првата жртва: Mаж од кумановски Кокошиње починал поради вдишување чад