ЦУК: Активни десет пожари, под контрола е ставен пожарот во Македонски Брод
На територија на цела држава во изминатото деноноќие има вкупно 30 пожари, од кои 10 сè уште се активни, а под контрола е ставен еден. Целосно изгаснати се 20 пожари, соопшти Центарот за управување со кризи (ЦУК).
Препорачано
Активни пожари има во:
Старо Нагоричане, кај с. Алгуња и с. Челопек – ангажирани 1 хеликоптер на МВР и 30 припадници на Армијата (гориниска вегетација)
Серта 1: ШТИП, с. Селце и с. Пухче (мешана шума);
Серта 2: ШТИП : Криволак кон Пенуш (2 ЕТ) (ниска вегетација)
Македонски брод 1: с. Брезница и с. Тажево, Јасен – ангажирани 1 хеликоптер на МВР, вработени во Јасен и 30 припадници на Армијата (гори борова шума)
Пласница: месност „Стромол“ (мешана шума)
Чашка 1: над с. Габровник и с. Мокрени (мешана шума и ниска вегетација)
Чашка 2: место викано Мукос, (ниска вегетација)
Долнени 1: с. Небрегово (нискостеблеста шума)
Долнени 2: с. Гостиражни, што е префрлен пожар од с. Богомила, Општина Чашка (гори мешана шума и ниска вегетација)
Ново Село: над с. Бадилен на планината Огражден (мешана шума).
Под контрола е ставен пожарот во Македонски Брод, кај селата Дивеч и Слатнина, каде што гори мешана шума.
Изгаснати се 20 пожари на отворено во последното деноноќие во: Кривогаштани, Битола, Струмица, Василево, Охрид, Штип, Неготино, Врапчиште, Гостивар, Куманово, Кратово, Гази Баба, Карпош, Сарај, Аеродром, Ѓорче Петров, Арачиново.
Од ЦУК додаваат дека покрај дополнителни пожарникари, ангажирани се два ер-трактори на ДЗС, два хеликоптера на МВР и 90 армиски припадници.
