Центарот за управување со кризи соопшти дека во текот на изминатото деноноќие на територијата на Македонија се регистрирани вкупно 23 пожари на отворен простор.

Од нив, 20 се изгаснати, 2 се под контрола, а еден пожар сè уште е активен во атарот на селото Долгаец, општина Долнени, каде што гори мешана шума.

Под контрола се пожарите кај повеќенаменското подрачје „Јасен“ во Македонски Брод и на планината Кожуф во Гевгелија.

Пожарите кои биле изгаснати претежно зафатиле ниска вегетација, стрништа, депонии и шуми во повеќе општини, меѓу кои Штип, Куманово, Крушево, Охрид, Битола, Кочани, Струга и други.