Кошаркарите на Црвена звезда стигнаа до победа против Фенербахче со резултат 77:67 на пријателскиот натпревар одигран на грчкиот остров Крит.

Дополнителна тежина на победата  дава фактот дека српскиот тим играше без двајца стандардни првотимици, капитенот Огњен Добриќ и повратникот во тимот, Никола Калиниќ.

„Црвено-белите“ фуриозно го отворија мечот и уште по неколку минути игра имаа двоцифрена предност (7:17), што беше јасен сигнал за нивната сериозна намера, иако станува збор за пријателска средба.

И покрај тоа, белградскиот тим ја задржа контролата врз играта и средината на втората четвртина повторно ја врати предноста на +10 (30:20). Фенербахче, кој е актуелен европски шампион не се предаваше и до полувремето намали на заостанување од четири поени (34:38).

Во второто полувреме турскиот тим покажа подобра игра, во неколку наврати дури и поведе со минимална разлика, но Звезда ја задржа концентрацијата и во последната четвртина влезе со мала предност (55:53).

Финишот донесе доминација на српскиот тим, кој ја одржа предноста и на крај заслужено триумфираше против еден од најсилните европски состави.

Фото: Спорт.ком.мк