Министерката за туризам на Црна Гора, Симонида Кордиќ, е повредена во сообраќајна несреќа што се случила попладнево на автопатот од Драгаљ кон Рисан, соопшти Полициската управа, пренесе „Блиц“.

Се додава дека Кордиќ била патник во возило на Министерството за туризам, кое го управувал возач на тоа министерство. Освен Кордиќ, во несреќата било повредено уште една, жена, со иницијали С.Ч., која била во друго возило.

Кордиќ, која според информациите има полесни повреди, е сместена во Клиничкиот болнички центар во Котор. Другата жена исто така има полесни повреди и таа е сместена во Специјалната болница „Васо Ќуковиќ“ во Рисно.

Кордиќ била на совозачкото седиште во службениот „Мерцедес“. Службениот автомобил се судрил со две други возила, веднаш по тунел на патот во местото Драгаљ кај Котор.