11-годишно момче од црногорскиот град Беране е тешко повредено кога петарда му пукнала додека ја држело во раката, јавија локалните медиуми.

По укажаната помош во болницата во градот, момчето било испратено на понатамошно лекување во Клиничкиот центар во Подгорица.

Од полицијата потврдија дека инцидентот се случил завчера, пишува РТЦГ.

– Апелираме до родителите да не дозволуваат нивните деца да користат пиротехнички средства – рече соговорникот од полицијата.

Вујкото на детето за медиумите изјави дека итно му била извршена операција на раката, а поради тежината на повредите најверојатно ќе биде потребен уште еден оперативен зафат, за да му се спаси шаката.