Ракометарите на Еурофарм Пелистер вечерва претрпеа нов пораз во Лигата на шампионите и беа поразени со 23:30 од Веспрем на домашен терен во Битола.

Веспрем победата ја најави од самиот старт кога брзо направи нпредност од четири гола разлика (8:4), а тоа водство го задржа и до крајот на првото полувреме. На пауза гостите од Унгарија заминаа со предност од 12:17.

Ниту во вториот дел работите не се променија, македонскиот претставник не успеваше да одговори на добрата на игра на противникот, па така и предноста на Веспрем растеше.

На крајот разликата изнесуваше седум голови (23:30). Најефикасен во тимот на Пелистер беше Филип Кузмановски со седум гола, додека на спротивната страна одличен натпревар натпревар одигра поранешниот ракометар на Вардар Лука Циндриќ кој беше стрелец на осум гола.

Во останатите три натпревари денеска ПСЖ на гости славеше со Фуксе Берли (38:40), Клоштад беше подобар од ПИК Сегед (27:29), додека Барселона го доби дербито со Магдебург 32:26.