Стефанос Циципас и Јаник Синер без поголеми проблеми обезбедија место во осминафиналето на овогодинешниот Австралија Опен.

Циципас кој минатата година стигна до финалето беше подобар од Холанѓанецот, Лука ван Аше со 6:3, 6:0 и 6:4. Неизвесност во овој меч имаше само во првите пет гема, односно до моментот кога грчкиот тенисер дојде до брејк.

По освоениот брејк Циципас направи серија од 9:1 и поведе со 2:0 во сетови. Последниот сет донесе нешто поизведначена игра, меѓутоа Циципас изгледаше сигурно и брзо дојде до брејк кој го задржа до крајот за освојување на сетот со 6:4 и победа во мечот. Во осминафиналето Циципас ќе игра против Американецот Тејлор Фриц кој со 3:1 беше подобар од Марошан.

Италијанеот Јаник Синер беше уште поубедлив и на Аргентинецот Себастијан Баез му дозволи да освои вкупно четири гема (6:0, 6:1, 6:3). Следен ривал на Синер ќе биде Карен Качанов кој претходно го елиминираше Томас Мачак со 3:1 (6:4, 7:6, 4:6, 7:6).