Почетокот на седницата на Домот на народите на Парламентот на Федерацијата Босна и Херцеговина во Сараево денеска беше одложен поради тоа што на подот од салата се појавила мала змија.

Иако змијата била веднаш отстранета, пратениците се евакуирани, а салата поминала низ проверка, пренесуваат регионалните медиуми.

Веста предизвика многу реакции на интернет, меѓу кои имаше и духовити, сатирични забелешки:

„Чула дека другите змии градат кариери и одлично живеат“ – коментираше еден корисник на социјалните мрежи од Босна и Херцеговина.

На дневен ред на денешната седница на федералниот Дом на народите, Предлог-законот за долг, задолжување и гаранции во ФБиХ треба да се разгледа како итно прашање, а една од клучните цели на новиот закон е да се зголеми транспарентноста на процесот на задолжување и издавање гаранции и да се воспостави построга финансиска дисциплина не само на федерално ниво, туку и на ниво на кантони, градови и општини.