Човекот кој го носи псевдонимот „Темниот коњ“ е сериски прељубник кој ја изневерувал својата сопруга цели 12 години, а на својот блог откри како да препознаете дали вашиот партнер ве изневерува или тоа не, пишува „Сан“.

„Во свет каде што фразата среќно оженет често предизвикува превртување на очите, се најдов себеси како размислувам и решив дека можам да ги зачинам работите. Имено, во брак сум 12 години и цело време ја изневерувам сопругата. Ја сакам сопругата, но понекогаш знам да залутам… Ги изневерував сите жени кои доаѓаа и си заминаа пред неа, но не чувствувам ни грам вина за тоа…“ признал сопругот и татко на три деца.

Иако „Темниот коњ“ не се чувствува виновен, тоа не значи дека тоа е случај и со другите партнери, па кажа кои знаци би можеле да ги откријат прељубниците.

Намалено либидо

Овој знак сам по себе не мора да значи дека мажот е неверен, но кога овие промени во интимноста се придружени со други сомнителни знаци, тие можат да бидат повеќе од загрижувачки.

Новороден „работохолик“

Сопругите треба да бидат сомнителни ако нивниот сопруг одеднаш работи на многу нови проекти или едноставно работи премногу долго.

Одеднаш троши голема сума пари

Уште еден сомнителен знак е поврзан со финансиите. „Темниот коњ“ вели дека на заедничките сметки ќе се појават суптилни докази. Доколку забележите дека вашиот партнер наеднаш троши пари на работи кои тешко може да ги објасни, јасно ви е дека тука се случува нешто сомнително и тоа е алармантна ситуација.

Тој е заштитнички настроен кон својот мобилен телефон

Човекот кој изневерува дефинитивно ќе остави технолошка трага на изневерување на својот телефон или компјутер. Вашиот партнер наеднаш ќе стане исклучително заштитнички настроен кон својот уред бидејќи таму чува докази за своето неверство.

Постојано се извинува

За крај, „Темниот коњ“ ги советува жените да внимаваат ако нивниот маж наеднаш се извинува за сè и сешто, бидејќи можно е да се чувствува виновен за нешто и да се обиде да ја ублажи вината со разни подароци и убави зборови.