Македонската градежна компанија Адора Инженеринг го сели својот бизнис во соседните Србија и Грција.

Причина за тоа е, неповолната бизнис клима во Северна Македонија, вели генералниот директор на компанијата Ванчо Чифлиганец.

-Додека во Македонија не се создаде поволна деловна клима во градежништвото, Адора Инженеринг ќе работи надвор од границите на земјата, вели Чифлиганец во интервју за порталот Фактор.

Како една од причините тој го наведува мораториумот за градба во скопската Општина Центар.

Адора веќе има компанија во Србија и моментално гради елитен станбено-деловен комплекс од 7.000 квадратни метри на Златибор, а компанијата работи и на два проекти во Грција, од кои еден е на Халкидики. Се работи за градба на вили со апартмани за продажба, а на островот Тасос годинава ќе гради и две станбени згради со станови за издавање и продавање.