Македонската кошаркарска репрезентација не успеа да слави во финалето и беше поразена од Чешка со 85:72. Но, без разлика на овој пораз Македонија веќе го обезбеди пласманот на на во елитната група на Европското првенство.

Чешка денес подобро го започна мечот, но нашите надежи одиграа одлична трета четвртина по која успеаа да дојдат до нерешено. Во последната четвртина влеговме со 52-52.

Сепак, во четвртиот период одбраната во нашите редови попушти и го загубивме натпреварот со 13 поени разлика.

Убедливо најдобар во нашата селекција со 23 поени беше Теодор Симиќ, Марин Петков реализираше 14. За поголем успех можеби недостасуваше Андреј Митревски кој се повреди во четвртфиналето.

Македонија како финалист на овој шампионат избори пласман во А-дивизијата каде што се најдобрите селекции од континентот што секако е голем успех за оваа селекција.