По неуспехот на ракометната репрезентација на Хрватска на Мундијалот во Египет, на виделина излегуваат непријатни работи, а дел од нив се поврзани за две имиња кои оставија огромен белег и во македонскиот ракомет, Лино Червар и Лука Циндриќ.
По елиминацијата од СП во Египет, сега веќе поранешниот селектор Червар го нападна поранешниот играч на Вардар и на Металург, дека никогаш не бил достапен кога му требал.

Циндриќ му одговори дека токму поради Червар не играл ракомет шест месеци и дека за малку ќе му ја уништел кариерата, а сега повторно Червар му возвраќа.

–  Настапот и зборовите на Циндриќ се лага. Наводно на него ќе му била уништена кариерата? Металург на мене ми должи еден тон пари. Не знам дали на него му вратиле дел од долговите, но знам дека не мене не ми вратиле. Циндриќ ја започна оваа приказна, ама не знам зашто. Го сакам и не се каам за ништо. Плукањето не му служи на често и не сакам да се вклучувам во тоа. На никого не му сметам, доколку на некој сум ни направил нешто поради што не се чувствува добро – длабоко се извинувам – изјави Червар за хрватски Индекс.