Англискиот фудбалер Кол Палмер нема да игра за Челси во групната фаза од Конференциската лига бидејќи клубот не го пријави за таа фаза од натпреварувањето.

Менаџерот на „сините“ Енцо Мареска оцени дека не му треба еден од најдобрите фудбалери на тимот во третото најсилно европско натпреварување.

Во групната фаза од Конференциската лига, Челси на домашен терен ќе игра против Гент, Ноа и Шамрок, а ќе гостува кај Панатинаикос, Хајденхајм и Астана.

Доколку бидат во првите осум од 36 клубови кои учествуваат во групната фаза, директно ќе се пласираат во осминафиналето, а доколку се од деветтото до 24 место ќе играат во плејофот за пласман во осминафиналето.

Во двата случаи, Челси ќе има право да направи три промени во тимот до 6 февруари.