Чави во потрага по нов централен бек: Дали Ињиго Мартинез ќе го менува Пике?!
Тренерот на Барселона, Чави потврди дека клубот планира да ангажира нов дефанзивец на позицијата централен бек.
Препорачано
– Во јануари ќе бараме нов централен бек, тоа ќе ни биде приоритет откако Пике одлучи да си замине – се зборовите на Чави.
Легендата на Барса, Жерар Пике ја шокираше фудбалската јавноста со објава за крај на кариерата. Според најавите искусниот одбранбен играч в сабота против Алмерија во 13 коло од шпанската „Ла Лига“ ќе го игра својот последен натпревар.
Каталонскиот гигант ги разгледува опциите за идеална замена, а на листата желби се наоѓа Ињиго Мартинез, а во текот на Светското првенство во Катар се очекуваат донесување на одлуки.
Според каталонскиот „Спорт“ е веќе постигнат договор со Мартинез со кој наводно „со месеци се преговарало“. Мартинез во шпанското првенство одигра 350 натпревари и реализираше 21 гол. Ја започна кариерата во Реал Сосиедад, а од 2018 година настапува за Атлетик Билбао.
Чави во составот има четири дефанзивци, Роналд Араухо ќе биде подготвен во јануари по опоравувањето од повредата, а на располагање ги има и Ерик Гарсија, Жил Кунде и Андреас Кристенсен.
