Фудбалскиот клуб Јувентус го контактираше Чави Ернандез и имаше информативен разговор за потенцијална соработка.

Оваа вест ја лансираше францускиот весник Екип, кој тврди дека Чави е кандидат да го замени Тијаго Мота на клупата на Јувентус.

Не може да се каже дека Мота ги исполни очекувањата, иако токму минатиот викенд го доживеа првиот пораз во Серија А, поголем проблем е огромниот број на нерешени резултати и само петтото место на табелата, со 16 бода помалку од лидерот Наполи.

Чави е без работа откако летово ја напушти Барселона и најави дека ќе паузира до следната работа, па не е исклучено да ги започнал преговорите со Јувентус.

Тој ја освои титулата со Барса во сезоната 2022/23, но се раздели со Каталонците по лошата минатата сезона без ниту еден трофеј.

Чави во еден момент беше поврзуван со Милан и Манчестер јунајтед, но немаше сериозни преговори.