Интернационалецот од Јамајка Реналдо Цефас одлучи да го напушти Шкупи и да ја продолжи кариерата во Турција.

Во текот на минатата сезона за клубот од Чаир 23-годишниот напаѓач имаше учинок од 11 голови во 29 настапи во Првата македонска фудбалска лига.

Официјално ФК Шкупи ја информираше јавноста дека му се заблагодарува на Цефас кој од денеска е нов фудбалер на турскиот суперлигаш Анкарагучу.

Лани составот на Анкарагучу во турската Суперлига го освои 11 место.

Шкупи предводен од тренерот Џихад Арслан в понеделник на гости кај Работнички ќе игра во првото коло од новата сезона во ПМФЛ.