Самопрогласениот поглавар на Исламската верска заедница, Скендер Бузаку, кој е назначен за Реис на ИВЗ со судска одлука, денеска повторно се појави пред вратата на седиштето на Исламската верска заедница, и се обиде да влезе во седиштето за да ја преземе функцијата.

Бузаку рече дека моментално седиштето на ИВЗ е под окупација и дека денеска ќе побара помош од полицијата за да може да влезе во своето работно место, и дека ќе упати барање до Финансиската полиција да изврши проверка во работењето на ИВЗ.

Тој нагласи дека судското решение е правосилно и објавено во Службен весник и дека Сулејман Реџепи нема право да поднесе жалба.

Од управата на финансиска полиција демантираат дека извршиле увид во ИВЗ и потврдуваат дека добиле барање за контрола во Исламската верска заедница.