Фудбалерот на Барселона, Серхио Бускетс одлучи да не го продолжи договорот со каталонскиот клуб, кој ќе го напушти на крајот од актуелната сезона, објавија шпанските медиуми.

Бускетс за ова веќе ги извести првите луѓе на „Камп Ноу“, но ниту една официјална страна ја нема потврдено информацијата.

Тоа речиси сигурно ќе се случи во моментот кога Барселона и математички ќе ја обезбеди титулата во „Ла Лига“, а прва шанса за тоа е претстојното градско дерби против Еспањол.

Барса моментно има 13 бода предност пред Реал Мадрид, а до крајот на сезоната остануваат уште пет кола.

Бускетс (34) целата кариера ја помина во Барселона во чиј дрес до сега има осум титули, најверојатно наскоро девет, потоа седумпати ги освои Копа дел Реј и шпанскиот Суперкуп, а по трипати Лигата на шампионите, УЕФА Суперкупот и ФИФА Светското клупско првенство.