Од почетокот на септември, има значителен раст на побарувачката за егзотични валути во Бугарија, што главно е поврзано со туристички патувања во азиските земји, објави Паритени.бг. Податоците покажуваат дека кинескиот јуан забележа најголем раст – 3,5 пати повеќе отколку на почетокот на септември 2024 година. Филипинското песо, исто така, забележа импресивен резултат – двојно поголем интерес, според податоците на Taвекс.

Побарувачката за корејскиот вон се зголеми за 70%, тајландскиот бахт – за 50% и индонезиската рупија – за 35%. Растот за јапонскиот јен е поумерен – околу 20%, но го задржува традиционално високиот интерес од претходните периоди.

„Динамиката на побарувачката за валута одразува поширок тренд поврзан со начинот на кој Бугарите ги планираат своите лични финансии и слободно време. Во анкетата што ја направивме лани меѓу штедачите, 42% посочија дека нивната главна цел при штедење е одмор или патување. Во овој контекст, зголеменото патување и зголемениот интерес за поегзотични дестинации изгледаат сосема логични“, коментираат брокерите, пренесува Телеграф.бг.