Бугарските пратеници, со исклучок на оние од „Преродба“ и „Морал, единство, чест“ (МЕЧ), ја напуштија пленарната сала кога лидерот на Преродба Костадин Костадинов требаше да ја презентира Декларацијата поднесена од партијата.

„Во саботата го добивте заслуженото и сакам да ве предупредам дека овој протест беше само почеток. Доколку продолжите да се однесувате на истиот безобразен начин, да го кршите законот и да се потсмевате на легитимните барања на народот, ќе ви се случи нешто многу пострашно од она што веќе го видовте“, рече Костадинов.

Костадинов во својата декларација нагласи дека „Преродба“ собра над 600.000 потписи за референдум за одбрана на бугарскиот лев што беше причинае за протестот во саботата, што доведе до тензија пред зградата на претставништвото на Европската комисија во Софија.

Речиси час и половина пленарно време потроши на процедурални гафови на „Преродба“ при утврдувањето на законодавната програма на Собранието за неделата.

По декларацијата на Костадинов, претставена во празна сала, партијата побара проверка на кворумот, но пред да се изврши проверката пратеникот Драгомир Стојнев побара 30-минутна пауза.