Бугарскиот државјанин кој минатата недела беше уапсен под сомнение дека успеал да земе големи суми пари од неколкумина повозрасни кумановци, доби кривична пријава, соопшти полицијата. Тој, според пријавата (која се однесува само на една од измамите забележани изминатите недели во Куманово), се претставувал како полицаец и им се јавувал на телефон на пензионерите, велејќи им дека нивни блиски направиле сообраќајна несреќа со смртни последици и дека треба да платат пари за да не одат во затвор.

„СВР Куманово поднесе кривична пријава против П.М.(59) од Република Бугарија поради постоење основи на сомнение за сторено кривично дело „измама“. На 31.01.2025 во Куманово, пријавениот довел во заблуда 64-годишна жена дека нејзината ќерка усмртила дете-мигрант и за да ја ослободат, морала да плати одреден износ на пари, при што ја оштетил за 30.000 евра“, пишува во полицискиот билтен.

Уште една жртва на измамата со лажен полицаец и сообраќајка – пензионер остана без 100.000 денари