Вкусно јадење може да се направи само од неколку состојки и тоа во еден сад. Овие тестенини со кромид и сирење се одличен доказ за тоа, пишува „Пун куфер“.

За подготовка не ви требаат скапи намирници – освен малку добро сирење како што е гријер или некое друго лесно топливо сирење. Покрај тоа, ќе ви бидат потребни само тестенини, кромид и малку зачини.

Посебен вкус на јадењето му дава тестенината зготвена во месен бујон. Ако сакате вегетаријанска варијанта, заменете го месниот бујон со зеленчуков.

Состојки:

• 1 литар месен бујон
• 250 г тестенини
• 100 г сирење гријер (или слично топливо сирење)
• 65 мл суво бело вино
• 65 мл павлака за готвење
• 30 г путер
• 30 мл растително масло
• 3-4 чешниња лук
• 2 главици кромид
• 1 лажица сос Ворчестер
• 1/2 мала лажичка сушена мајчина душица
• Сол и бибер по вкус

Подготовка:

Во голема тава растопете го путерот, додадете го маслото и пропржете го кромидот исечен на тенки ленти. Пржете околу 20 минути додека да омекне и да добие убава златножолта боја. Додадете го ситно сечканиот лук и сушената мајчина душица и продолжете да пржите уште 2-3 минути.

Деглазирајте ја тавата со малку балсамико оцет и бело вино – измешајте и изгребете ги сите парчиња што се залепиле на дното.

Додајте ги сувите тестенини, месниот бујон и сосот Ворчестер. Промешајте убаво.

Варете на тивко 15-20 минути, додека тестенините не ја впијат течноста и не станат „ал денте“.

Потоа додајте ја павлаката за готвење и ренданото сирење. Зачинете со сол и бибер по вкус.

Послужете топло, заедно со салата по избор. На здравје!