По богатиот празничен ручек ви предлагаме вечерата да биде полесна, а притоа да не ви одземе  многу време при подговката. Една од омилените салати, популарната шопска, сигурно и овој пат се најде на вашата празнична трпеза. Со остатокот од салата пригответе лесна ужинка, вкусни крцкави брускети со шопска, а преостанатите јајца и месо оставете ги за следниот ден.

СОСТОЈКИ:

• 1 домат
• 1 главица кромид
• 1 зелена пиперка
• рендано сирење
• неколку резанки леб
• маслиново масло
• магдонос
• сол по вкус

ПОДГОТОВКА:

Големо тавче за печење премачкајте го со масло. Наредете ги лепчињата и попрскајте ги малку со маслиново масло. Зеленчукот исечкајте го на коцки или на кругови, па во еден сад измешајте го и зачинете го со сол, но само доколку сирењето не е многу солено. Најгоре ставете дробено сирење, пак испрскајте со маслиново масло и ставете ги да се потпечат во рерна. Откако ќе ги извадите посипете со сечкан магдонос.

Добар апетит!