Фудбалерот на Њукасл, Бруно Гимараеш денеска потпиша нов, петгодишен договор, што значи дека ќе остане во Премиер лигата до 2028 година.

Овој 25-годишен фудбалер пристигна во Њукасл од Лион во јануари 2022 година и досега забележа 67 настапи за клубот од Сент Џејмс Парк и постигна 11 голови.

Минатата сезона бразилскиот интернационалец му помогна на Њукасл да се врати во Лигата на шампионите по 20 години.

Њукасл моментно е осми на табелата во Премиер лигата, а утре во осмото коло ќе му гостува на Вест хем.

Фудбалерите предводени од менаџерот Еди Хау добро играат и во ЛШ, по две кола во „групата на смртта“ е на првото место со четири бодови, пред ПСЖ (3), Милан (2) и Борусија Дортмунд (1).