Хрватскиот фудбалер Марсело Брозовиќ одлучи да се повлече од националниот тим.

Тој постигна фантастичен успех со Хрватска и беше дел од селекцијата која прво беше втора на Светското првенство во Русија во 2018 година, а потоа трета четири години подоцна во Катар.

Ова е навистина изненадувачка одлука на играчот од средниот ред кој одигра 99 натпревари за хрватската селекција и со тоа нема да ја достигне бројката од 100 натпревари за националниот тим. На тие 99 мечеви постигна седум гола.

Брозовиќ на клупски план во својата кариера настапуваше за Хрватски Драговољац, Локомотива, пред целосно да се наметне во Динамо Загреб, од каде потоа замина во Интер, каде го помина најголемиот дел од кариерата.

Во моментов игра за Ал Наср каде соиграч му е Португалецот Кристијано Роналдо.