Бројот на повредени во несреќата во Лисабон, кога жичарата  Глорија излета од шините, се искачи на 17, додека 21 лице е повредено, од кои седум се со тешки повреди, соопшти денес португалската Цивилна заштита.

Полицијата претходно објави дека 15 лица се повредени, но уште две починале во текот на ноќта, пишува португалскиот портал Executive Digest.

Директорката на португалската Цивилна заштита, Маргарида Кастро Мартинс, изјави дека меѓу жртвите има четворица Португалци, двајца Германци, двајца Шпанци, еден Јужнокореец, , еден Канаѓанец, еден Италијанец, еден Французин, еден Швајцарец и еден Мароканец.

„Националноста на четворицата повредени сè уште не е утврдена“, додаде Кастро Мартинс.

BREAKING: Lisbon’s iconic Gloria Funicular derailspic.twitter.com/7xC3qV0Tn3

— Insider Paper (@TheInsiderPaper) September 3, 2025

Жичарата превезувала повеќе од 40 лица во времето на несреќата, кога излетала од шините и удрила во зградата.

Фотографија од местото на настанот покажува дека кабината на жичарницата, слична на трамвај, е практично уништена.

Властите веруваат дека несреќата е предизвикана од лабав кабел или дефект на сопирачките.

Португалската влада прогласи ден на национална жалост и три дена жалост во Лисабон.

Бригадата на судската полиција беше повикана да ја испита причината за несреќата на жичницата Глорија, која може да прими до 42 патници и е обележје на Лисабон кое е многу популарно кај туристите.

Жичарницата  е отворена пред повеќе од еден век – во 1885 година.